Nafisa Mo'minovada durang, singlisida yana mag'lubiyat

7th HDBank Cup International Open Chess 2017 turnirining mukofot jamg'armasi 13 000 AQSH dollarini tashkil qiladi. Musobaqada 21 mamlakatdan 103 nafar ishtirokchi g'oliblik yo'lida dona suryapti.

Kecha turnirda 8-partiya uchrashulari o'tkazildi. Mamlakatimizning birinchi raqamli ayol shaxmatchisi Nafisa Mo'minova bu safar durang o'ynadi. Nafisa oq donalarda o'ynashiga qaramay, vetnamlik Vo Day Dukni enga olmadi.

Gulruhbegim Tohirjonova esa ketma-ket ikkinchi mag'lubiyatini qabul qilib oldi. U qora donalarda harakat qilib, reytingda o'zidan biroz yuqorida turgan vetnamlik Pam CHeongga yutqazib qo'ydi. 

Bugun o'tkaziladigan so'nggi 9-tur uchrashuvlari oldidan Mo'minova 4 ochko bilan qo'shimcha ko'rsatkichlarga ko'ra 61-o'rinni egallab turibdi. Qirq ettinchi pog'onadagi shaxmatchida ham 4 ochko bor. Tohirjonova esa 3 ochko bilan 78-pog'onaga tushib ketdi.