15 mar 10:45
Yangiliklar
SHaxmat
Nafisa Mo'minovaning ilk g'alabasi, singlisida durang
Opa-singil grossmeysterlar - Nafisa Mo'minova (2348) va Gulruhbegim Tohirjonova (2297) Vetnamda o'tkazilayotgan xalqaro turnirda ishtirok etishyapti.
7th HDBank Cup International Open Chess 2017 turnirining mukofot jamg'armasi 13 000 AQSH dollarini tashkil qiladi. Musobaqada 21 mamlakatdan 103 nafar ishtirokchi g'oliblik yo'lida dona suryapti.
Kecha bir yo'la ikkita partiya o'tkazildi. Mamlakatimizning birinchi raqamli ayol shaxmatchisi Nafisa Mo'minova partiyalarning dastlabkisida ilk g'alabasiga erishdi. U qora donalarda o'ynab, xitoylik raqibasini engdi.
Ikkinchi partiyada esa durang natija qayd etdi. Gulruhbegim Tohirjonova esa kechagi har ikkala uchrashuvida ham murosaga keldi. Bugun o'tkaziladigan 6-tur uchrashuvlari oldidan Tohirjonova qo'shimcha ko'rsatkichlarga ko'ra 2,5 ochko bilan 48, Mo'minova esa 1,5 ochko bilan 76-o'rinni egallab turibdi.
Havola :
Manba : olamsport.com
Fikrlar