Namangan aholisining qanchasi sport bilan muntazam shug'ullanmoqda?

Viloyat hokimligi katta zalida bo'lib o'tgan yig'ilishda viloyatda faoliyat ko'rsatayotgan 40 ta sport federaciya va associaciyalari, tashkilot hamda korxonalarning rahbarlari ishtirok etdilar.

Takidlash kerakki, 2016 yilda viloyat sportchilari tomonidan halqaro va yurtimiz bo'ylab o'tkazilgan nufuzli musobaqalarda 294 ta oltin, 370 ta kumush va 431 ta bronza medallari qo'lga kiritildi.

Quvonarlisi, Braziliyada bo'lib o'tgan yozgi olimpiya o'yinlarida Murodjon Ahmadaliev bronza medalini qo'lga kiritdi va huddi shu davlatda o'tkazilgan Paralimpiya o'yinlarida Nozimaxon Qayumova nayza uloqtirish bo'yicha rekord o'rnatib, oltin medalga egalik qildi.

Yig'ilishda federaciya rahbarlarining hisoboti tinglanib, ayrim sport turlari bo'yicha yuzaga kelgan masalalar echimiga urg'u qaratildi.

Qizg'in mulohazalar asosidagi yig'ilishda viloyat hokimining o'rinbosari, xotin-qizlar qo'mitasi raisi Xilola Yusupova sog'lom jamiyatni shakillantirishda yosh avlodni sportga keng jalb etish, ayniqsa, ayollar sportiga yanada ko'proq etibor qaratish lozimligini aytib o'tdi. 

Malumot o'rnida aytish kerakki, bugungi kunda viloyatda 8509 ta sport obektlarida 203 ming 235 nafar namanganliklar sportning 54 turi bo'yicha  amaliy mashg'ulot olib borishmoqda.

Yig'ilishda oldinda turgan nufuzli bellashuvlarga tayyorgarlik ko'rish masalasi ham muhokamalar markazida bo'ldi. O'rtaga tashlangan barcha masalalar, taklif va fikrlar asosida tegishli qaror qabul qilindi.