Namangan “Fyuchers”. Fayziev va Sultonov finalda!

Musobaqaning juftlik bahslarida final ishtirokchilari malum bo'ldi. Sanjar Fayziev va Humoyun Sultonovdan iborat o'zbekistonlik tennischilar juftligi bosh mukofot uchun kurashni muvaffaqiyatli davom ettirishyapti. 

Kecha ular yarim final uchrashuvida turnirning birinchi raqamli juftligi - ukrainalik Vladislav Manafov hamda rossiyalik Vladimir Polyakovga qarshi kortga chiqib, 6:4, 2:6, tay-brekda 10:2 hisobida zafar quchishdi. 

Humoyun va Sanjarning bosh mukofot uchun bahsdagi raqiblari rossiyalik tennischilar Konstantin Kravchuk hamda Roman Safiulin bo'ladi. Ular yarim finalda turkiyalik tennischilardan iborat turnirning to'rtinchi raqamli juftligi Kem Ilkel va Anil Yukseldan 6:2, 3:6, tay-brekda 10:3 hisobida ustun kelishdi.