06 iyu 09:55
Yangiliklar

Tennis

Namangan “Fyuchers”. Iroda To'laganova yana kortda!

SHu kunlarda Namangan shahridagi “Do'stlik” kortlarida tennis bo'yicha “Fyuchers” turkumiga kiruvchi turnir bo'lib o'tmoqda.

Sovrin jamg'armasi 25 000 AQSH dollarini tashkil qiluvchi ushbu musobaqaning juftlik bellashuvlarida O'zbekiston ayollar terma jamoasi murabbiyi Iroda To'laganova ham ishtirok etyapti.

Qirg'izistonlik Kseniya Palkina bilan juftlik hosil qilgan tennisimiz faxri ilk davrada o'zbekistonlik yosh tennischilar - Nasiba Espolova va Elina SHaripova tandemini 5:7, 6:0, tay-brekda 10:1 hisobida mag'lub etishdi.

Endi bu ikki tajribali tennischi chorak final uchrashuvida turnirning to'rtinchi raqamli juftligi, rossiyalik tennischilar - Anastasiya Gasanova hamda Ekaterina Yashina tandemiga qarshi kortga chiqishadi.