04 okt 08:00
Yangiliklar

Boshqalar

Namanganda karting sporti bo'yicha respublika musobaqasining final bosqichi bo'lib o'tdi

Teglar : Karting

Jamoalar “Vatanparvar” tashkiloti viloyat kengashining Uchqo'rg'on tumani o'quv sport-texnika klubi tasarrufidagi kartodromda g'oliblik uchun bahslashdi.

O'zbekiston mudofaasiga ko'maklashuvchi “Vatanparvar” tashkiloti tomonidan O'zbekiston yoshlar ittifoqi, O'zbekiston Bolalar sportini rivojlantirish jamg'armasi va Namangan viloyati hokimligi hamkorligida tashkil etilgan musobaqada Andijon, Buxoro, Jizzax, Namangan, Sirdaryo, Toshkent, Farg'ona, Qashqadaryo, Surxondaryo, Xorazm viloyatlari va Toshkent shahri jamoalari ishtirok etdi.

Namangan viloyati jamoasi azolari S.Sardorov, M.Ko'kiboev, R.To'raboev, B.Jo'raev, toshkentlik D.Akopyan, B.Konyuxov, jizzaxlik B.Toshboev, buxorolik J.Baxshullaev, farg'onalik J.Qosimov, qashqadaryolik S.Yolqinov, andijonlik I.Nozimov, sirdaryolik S.Bagdasarov g'olib va sovrindorlar qatoridan joy oldi.

Umumjamoa hisobida Namangan jamoasi 221 ochko bilan musobaqa shohsupasining eng yuqori pog'onasidan joy oldi. Ikkinchi pog'onani 166 ochko to'plagan Toshkent shahri jamoasi, uchinchi pog'onani 97 ochkoni qo'lga kiritgan jizzaxlik sportchilar egalladi.

Musobaqa g'olib va sovrindorlari diplom va esdalik sovg'alari bilan taqdirlandi.

Havola :

Manba : UzA

Reyting: