Nassurdin Imavov Robert Uittakerga "vyzov" tashladi

Franciyalik aralash yakkakurash ustasi avstraliyalik jangchiga qarshi oktagonga chiqish istagini bildirdi. Bu haqda uning o'zi ijtimoiy tarmoqdagi sahifasida xabar qoldirgan. Imamov Uittakerning rossiyalik Ikram Aliskerovga qarshi UFC on ABC 6 turnirida o'tkazgan jangiga ham munosabatini bildirdi. 

"Raqib kim bo'lishining farqi yo'q. Istalgan vaqt va manzilda. Robert Uittaker, 28 sentyabr, Parij", - deya xabar qoldirgan kelib chiqishi dog'istonlik bo'lgan Nassurdin.

Robert Uittaker kuni kecha Ar-Riyod shahrida o'tgan jangning ilk raundidayoq Ikram Aliskerovni nokaut evaziga mag'lubiyatga uchratgan edi. Uittaker jangdan keyin bergan intervyusida 17 avgust kuni Avstraliyaning Pert shahrida o'tkaziladigan UFC 305 turnirining markaziy to'qnashuviga zaxira jangchisi bo'lishga tayyorligini aytgandi. Markaziy jangda chempion Drikus Dyu Plessi hamda sobiq chempion Israel Adesanya o'rtasida bo'lib o'tadi.