Xamzat CHimaev: "Men haqiqiy chempionman!"

"Bu juda tez sodir bo'ladi deb umid qilaman, lekin hozir hamma narsa menga bog'liq emas. UFC menga qo'ng'iroq qilib, jangga tayyormanmi deb so'rasa, men har qanday raqib bilan jangga rozi bo'laman", – dedi "Borz" MMA Junkie nashriga bergan intervyusida.

May oyida rossiyalikdan kamarni bahsli tarzda olib qo'ygan SHon Striklend Nassurdin Imavov bilan revansh o'tkazishi kutilmoqda, biroq amerikalikning liga bilan moliyaviy kelishmovchiliklari tufayli chempionlik jangi savol ostida qoldi.

"U doimo nimadandir shikoyat qiladi, shuning uchun men faqat shaklda qolib, jangga tayyorman. Keyin nima bo'lishini bilmayman. Balki UFC mendan g'olib bilan uchrashishimni xohlar. Men g'olib bilan jang qilishim kerak, chunki men reytingning birinchi raqamlisiman va o'sha jangda yutqazmaganman.

Odamlar men yutqazdim deyishadi, lekin haqiqiy chempion menman. Men shunchaki o'z kamarimni tezroq qaytarib olmoqchiman va agar yaqin orada bunday imkoniyat paydo bo'lsa, darhol jangga kirishaman", – deya qo'shimcha qildi CHimaev.

Kelgusi hafta Xamzat CHimaev Abu-Dabidagi RAF turnirida ishtirok etadi. U asosiy jangda amerikalik Kolbi Kovingtonning RAF-krossover yo'nalishidagi kruzerveyt tituliga davogarlik qiladi.