Navoiy viloyatida sportchilar ishtirokida sodir bo'lgan holat yuzasidan rasmiy bayonot

Maqolada yozilishicha, bir navoiylik bloger navoiylik qo'shtirnoq ichidagi sportchini tanqid qilgani uchun o'sha sportchi uning uyiga bir nechta o'ziga o'xshagan do'stlari hamda treneri bilan borgan. Ular blogerni uyidan olib ketgani etmaganidek unga do'q-po'pisa qilishgan. Maqola ilova qilingan rasmda sobiq Navoiy ixtisoslashtirilgan Olimpiya zaxiralari maktab-internati, hozirgi Navoiy Olimpiya zaxiralari kolleji treneri qayd etilgan

Navoiy viloyati jismoniy tarbiya va sport boshqarmasi ushbu holat yuzasidan o'rganish olib borildi va quyidagilarni malum qiladi:

Ushbu holat Navoiy viloyat jismoniy tarbiya va sport boshqarmasi masul xodimlari tomonidan o'rganib chiqildi. Unda aniqlanishicha, Navoiy ixtisoslashtirilgan Olimpiya zaxiralari maktab-internatida trener bo'lib ishlovchi Jumaev Muhammadning shaxsiy fotosuratlari va videolarini bloger internet tarmog'iga joylashtirganligi sababli Jumaev Muhammad Bekzod ismli blogerga telefon qilib, ijtimoiy tarmoqlardagi rasm va videolarni o'chirib tashlashini so'ragan. Bloger esa 2 000ta kuzatuvchi tomonidan ko'rilgandan so'ng o'chirishini malum qilgan.

SHundan so'ng, Jumaev Muhammad yaqin tanishlari bilan birgalikda blogerni shahar tashqarisiga olib chiqib, undan internet tarmog'idagi rasm va videolarni o'chirib tashlashni so'ragan, lekin bloger esa internet tarmog'iga chiqarilgan rasm va videolarni o'chirmasligini takidlagan hamda o'ziga nisbatan Jumaev Muhammad tomonidan kuch ishlatilganligini aytib, Navoiy shahar IIB boshqarmasiga murojaat qilgan.

Hozirda mazkur holat yuzasidan Navoiy shahar IIB boshqarmasi tomonidan tekshiruv-surishtiruv ishlari olib borilmoqda.

Qolaversa, Jismoniy tarbiya va sport vazirligi tomonidan ham mazkur holat jiddiy nazoratga olingan.