05 avg 10:53
Yangiliklar

Tennis

NBU Cup. Hamyurtimiz chempionlik unvonini himoya qildi

Poytaxtimizdagi “Matonat” tennis kortlarida o'tkazilgan 18 yoshgacha bo'lgan tennischilar o'rtasidagi musobaqa yakunlandi.

NBU Cup-2018 musobaqasining o'g'il bolalar o'rtasidagi turnirida istedodli tennischimiz Sergey Fomin g'olib bo'ldi. Turnirning birinchi raketkasi sifatida harakat qilgan Fomin bosh sovrin uchun bahsda turnirning ikkinchi raketkasi Sebastyan Jimaga qarshi kortga chiqdi.

Ruminiyalik iqtidor egasi yarim final uchrashuvida yana bir o'zbekistonlik tennischi Ibrohimjon O'rinovni 7:5, 6:2 hisobida taslim etgandi. Final bahsida Fomin jamoadoshi uchun revansh oldi. Raqibiga hech qanday imkoniyat qoldirmagan hamyurtimiz 6:3, 6:2 hisobida zafar quchdi. Sergey o'tgan yili ham ushbu turnirda chempion bo'lgandi.