Neyt Diaz Pore bilan jang haqida: "UFC bu kerak emasligini aytdi"

"Men hozirgina UFC bilan gaplashdim, ulardan Pore bilan jangga tayyorgarlik qanday ketayotganini so'radim, tezroq jang qilmoqchi ekanligimni aytdim. Lekin ular Dastin ularga kerak emasligini aytishdi. SHunday ekan, kechir Dastin, sen — yomonsan. Qanday bo'lmasin, men tezroq jang qilmoqchiman, kel, buni amalga oshiramiz! P.S. Oliveyra, sen ham yomonsan!" — deb yozdi Diaz o'z tvitter sahifasida.

Pore so'nggi jangini UFC 269 turniri doirasida braziliyalik CHarlz Oliveyraga qarshi o'tkazgan. Jangda braziliyalik Oliveyra Poreni bo'g'ish usuli bilan mag'lub etgan edi. 

Neyt Diaz esa so'nggi jangini UFC 263 turniri doirasida britaniyalik Leon Edvardsga qarshi o'tkazgan edi, jangda britaniyalik jangchining qo'li baland kelgan. Neyt dastlab 2021 yil oxirigacha yana bir jang o'tkazishni rejalashtirgan edi, biroq promoushen unga Xamzat CHimaev bilan jang o'tkazishni taklif qilganidan keyin UFC bilan raqib borasida kelisha olmadi.

Diyor Mavlonov tayyorladi