Nigina Abduraimova Bellinconada muvaffaqiyatli start oldi

Mukofot jamg'armasi 75 000 dollarni tashkil etuvchi ushbu musobaqada Nigina Abduraimova ham o'z imkoniyatini sinab ko'ryapti. Mamlakatimizning birinchi raketkasi ilk davrada reytingda o'zidan to'qqiz pog'ona quyida borayotgan germaniyalik Mona Bartelga qarshi kortga chiqib, irodali g'alabaga erishdi - 1/6, 6/4, 6/3.   

Nigina 1 soatu 49 daqiqa davom etgan bahsda qiyin vaziyatdan chiqib keta oldi. Bu tennischilarning o'zaro o'tkazgan uchinchi uchrashuvi bo'ldi. Qizig'i, Nigina o'tgan yili ham aynan SHveycariyadagi turnirda Bartelni mag'lubiyatga uchratgandi. 2018 yili Toshkentda o'tgan ilk bahsda esa Mona zafar quchgan edi. 

Taqqoslash uchun, Nigina Abduraimova ayni paytda WTA reytingida 240, Mona Bartel esa 249-pog'onadan joy olgan. Bugun hamyurtimiz 1/8 finalda italiyalik Luchreziya Stefaniniga qarshi bahs olib boradi. Dunyoning 150-raketkasi bo'lib turgan Stefanini 1/16 finalda britaniyalik Emili Eppltondan 6/1, 7/5 hisobida ustun keldi.