Nigina Abduraimova boshdan baland sakray olmadi

Mukofot jamg'armasi 75 000 dollarni tashkil etuvchi ushbu musobaqada Nigina Abduraimova ham o'z imkoniyatini sinab ko'ryapti. Mamlakatimizning birinchi raketkasi ilk davrada reytingda o'zidan to'qqiz pog'ona quyida borayotgan germaniyalik Mona Bartelga qarshi kortga chiqib, irodali g'alabaga erishgandi - 1/6, 6/4, 6/3.   

Afsuski, Nigina 83 daqiqa davom etgan 1/8 final uchrashuvida dunyoning 150-raketkasi, italiyalik Luchreziya Stefaniniga 3/6, 2/6 hisobida imkoniyatni boy berdi. Stefanini Bellincona turnirida to'rtinchi raqam ostida harakat qilyapti.   

Taqqoslash uchun, Nigina Abduraimova ayni paytda WTA reytingida 240-o'rinni egallab turibdi. Endi hamyurtimiz bor etiborini juftlikdagi ishtirokiga qaratadi.