Nigina Abduraimova juftlikda 1/2 finalga yo'l oldi

Mukofot jamg'armasi 75 000 dollarni tashkil etuvchi ushbu musobaqada Nigina Abduraimova ham qatnashyapti. Yakkalikdagi ishtirokini yakunlagan mamlakatimizning birinchi raketkasi bor etiborini juftlik bahslariga qaratgan. 

Franciyalik Karol Moneet bilan juftlik hosil qilgan hamyurtimiz 1/8 finalda shveycariyalik tennischilar Kaegi va Talleri hamkorligini 6/4, 6/3 hisobida mag'lub etgandi. Ularning 1/4 finaldagi raqibalari, turnirning birinchi raqamli juftligi - ruminiyalik Irina Bara hamda sloveniyalik Dalila Yakupovich kortga chiqmaganligi bois, Nigina va Karolga texnik g'alaba yozildi. 

Ayni daqiqalarda Abduraimova/Monnet juftligi 1/2 finalda amerikalik opa-singil tennischilar - Karmen va Ivana Korley hamkorligiga qarshi bahs olib borishyapti.