01 iyu 10:23
Yangiliklar

Tennis

Nigina Abduraimova Palma-del-Rioda 1/4 finalga chiqdi

Ispaniyaning Kordova provinciyasi Palma-del-Rio shaharchasida tennis bo'yicha ITF turniri davom etmoqda.

"W25+H Palma del Rio" turnirida mamlakatimizning birinchi raketkasi Nigina Abduraimova ham muvaffaqiyatli odimlayapti. Hamyurtimiz 1/8 final uchrashuvida italiyalik Verena Melissni 6/4, 6/4 hisobida mag'lub etdi.

Taqqoslash uchun, ayni paytda Abduraimova WTA reytingida 201, Meliss esa roppa-rosa 600-o'rinni egallab turibdi. Turnirda 3-raqam ostida saralangan Niginaning chorak finaldagi raqibasi ispaniyalik Marina Bassols bo'ladi. U WTA reytingida 263-pog'onadan joy olgan.