Nigina Abduraimovaning "Rolan Garros" saralashidagi uchrashuvida mo'jiza ro'y bermadi

Musobaqaning ayollar o'rtasidagi bahslarida hamyurtimiz Nigina Abduraimova ham o'z imkoniyatini sinab ko'rdi. Mamlakatimizning birinchi raketkasi saralashning ilk bosqichida Yangi Zelandiya vakilasi Lulu Sanga qarshi kortga chiqdi. Etmish sakkiz daqiqa davom etgan bahsda mo'jiza ro'y bermadi. San 6/2, 6/3 hisobida g'alaba qozonib, keyingi bosqichga yo'l oldi. 

Taqqoslash uchun, Abduraimova WTA reytingida 303, San esa 128-o'rinni egallab turibdi. Bu tennischilarning o'zaro o'tkazadigan ilk to'qnashuvi bo'ldi. Luli 1 ta eys zarbani amalga oshirdi. Nigina esa bunday zarbani yo'llay olmadi. Sanning ketma-ket 5 ta uchrashuvda g'alaba qozongani etiborga molik holat.