Nodirbek Abdusattorov Fisher shaxmat bo'yicha JCHda 4-o'rinni egalladi

Hamyurtimiz Nodirbek Abdusattorov 3-o'rin uchun bahsda jahon reytingida 1-o'rinni egallab turgan norvegiyalik Magnus Karlsenga qarshi dona surdi va 1:3 hisobida imkoniyatni boy berib qo'ydi. 8 nafar shaxmatchi qatnashgan musobaqani Nodirbek Abdusattorov 4-o'rinda yakunladi. 

Ushbu natija orqali Nodirbek 40 ming AQSH dollari ishlab oldi. 

Fisher shaxmati bo'yicha jahon chempionati. 

Islandiya. 3-o'rin uchun bahs. 

Nodirbek Abdusattorov (O'zbekiston) - Magnus Karlsen (Norvegiya) 1:3

Ushbu sahifa orqali musobaqaning so'nggi kunidagi natijalardan xabardor bo'lib turishingiz mumkin bo'ldi. Eng quyida esa bahsdan videoni tomosha qiling.

YANGILASH

- Nodirbek 4-partiyada ham imkoniyatni boy berib qo'ydi. Ushbu mag'lubiyatdan so'ng hisob 1:3 ko'rinishiga keldi. 

- Final bahsida shaxmatchilar durangga rozi bo'lishdi. Hisob - 2:2. Endi barchasi armageddon partiyada hal bo'ladi. 

- Finalning uchinchi partiyasida Nepomnyashiy g'alaba qozondi. Demak Nakamura - Nepomnyashiy qarama-qarshiligida hisob 1,5 : 1,5 ko'rinishiga keldi. 

- To'rinchi partiyada Nodirbek g'alaba qozona olsa, vaziyat tenglashadi va qo'shimcha partiya o'ynaladi. 

- Afsuski Abdusattorov 3-partiyada imkoniyatni boy berib qo'ydi - 1:2...

- Nodirbek va Magnus o'rtasidagi 3-partiya boshlandi. 

- Finalning ikkinchi partiyasida durang qayd etildi. Nakamura 1,5 : 0,5 hisobida Nepomnyashiydan ustun kelmoqda.

- Ikkinchi partiyada afsuski Magnus Karlsenning qo'li baland keldi. Hisob tenglashdi - 1:1...

- Nodirbek ikkinchi partiyani boshladi. SHaxmatchimiz bu safar qora donalarda o'ynaydi. 

- Finalning ilk partiyasida Xikaru Nakamura Yan Nepomnyashiyni mag'lub etdi 1:0.

-Dastlabki partiyada Nodirbek oq donalarda o'ynab g'alabaga erishdi. Hisob - 1:0!

-Mazkur jahon chempionatining 3-o'rin uchun bahsida hamyurtimiz Nodirbek Abdusattorov norvegiyalik Magnus Karlsenga qarshi dona surmoqda.