Nodirbek Abdusattorov qatnashayotgan turnirning mukofot jamg'armasi qancha?

Dunyoning kuchli sakkiz nafar grossmeysteri dona surayotgan Fisher shaxmati bo'yicha musobaqaning umumiy mukofot jamg'armasi 200 000 AQSH dollarini tashkil etadi. CHempion 60 000 dollarga ega chiqadi. Ikkinchi o'rin sohibi 40 000, kuchli uchlikdan joy olgan grossmeyster esa 30 000 dollarni qo'lga kiritadi. So'nggi o'rinni gallagan shaxmatchi o'z hamyonini 8 000 AQSH dollariga boyitib oladi. 

Eslatib o'tamiz, ushbu musobaqada Nodirbek Abdusattorov ham muvaffaqiyatli odimlayapti. Kecha hamyurtimiz saralash bosqichining so'nggi 7-turida amaldagi jahon chempioni Magnus Karlsenni mag'lubiyatga uchratib, pley-offga 1-o'rin bilan yo'l oldi. 

Turnir reglamentiga ko'ra, saralash bosqichi g'olibi pley-offda so'nggi 8-o'rin sohibi bilan o'ynaydi. Bugun 1/4 finalda Abdusattorov 7 ta uchrashuvning 6 tasida mag'lubiyatga uchrab, faqat bittasida durang o'ynagan xitoylik Din Lijenga qarshi dona suradi.