Nodirbek va Magnus Karlsen Veyk-an-Zeeda qo'shhokim (Turnir jadvali)

Dunyoning reytingi baland 14 shaxmatchisi o'rtasida o'tkazilayotgan musobaqada 2-tur uchrashuvlari ortda qoldi. 

Birinchi turda ruminiyalik Rixard Rapportni mag'lubiyatga uchratgan Nodirbek Abdusattorov kecha oqshom 2-turda amerikalik mashhur shaxmatchi Fabiano Karuana bilan murosaga keldi. Amaldagi jahon chempioni Magnus Karlsen (Norvegiya) esa bu turda qora donalarda o'ynashiga qaramay, germaniyalik Vinsent Kaymerni mag'lubiyatga uchratdi. 

Ikkinchi turdan so'ng Magnus Karlsen, Nodirbek Abdusattorov, Din Lijen va Anish Giri 1,5 tadan ochko jamg'arib, turnir jadvalida peshqadamlik qilishyapti. 

2-tur natijalari

Uesli So (AQSH, 2760) - Arjun Erigaysi (Hindiston, 2722)  1/2

Levon Aronyan (AQSH, 2735) - Rameshbabu Pragnanandxa (Hindiston, 2684) 1/2

Vinsent Kaymer (Germaniya, 2696) - Magnus Karlsen (Norvegiya, 2859) 0-1

Din Lijen (Xitoy, 2811) - Parxam Magsudlu (Eron, 2719) 1/2

Anish Giri (Niderlandiya, 2764) - Dommardju Gukesh (Hindiston, 2725) 1-0

Nodirbek Abdusattorov (O'zbekiston, 2713) - Fabiano Karuana (AQSH, 2766) 1/2

Yorden van Forest (Niderlandiya, 2681) - Rixard Rapport    (Ruminiya, 2740) 1/2