29 avg 14:26
Yangiliklar

Boks/MMA

Nurmagomedov Carukyanga "otvet" qildi: "U ikkita jang o'tkazgunicha, men to'rt marta chempionlik kamarimni himoya qildim"

Usman Nurmagomedov o'z vatandoshi Arman Carukyaning PFL engil vazn toifasi chempioni UFC`ga o'tsa, faoliyatidagi ilk mag'lubiyatini qabul qilib olishi haqidagi so'zlariga izoh berdi.

"Arman Gamrotga yutqazdi, Islamga yutqazdi. O'tiribdi, kutibdi, yilda bir marta jang qiladi va o'zini dunyodagi eng yaxshi jangchi deb ataydi. U ikkita jang o'tkazgunicha, men to'rt marta chempionlik kamarini himoya qildim.

Agar UFC`da jang qilmasang, darajang past degan stereotipga qo'shilmayman. UFC`dagi kuchli o'ntalikda (Top-10) o'tirgan yigitlarga qarang. Ular shunchaki o'zaro jang qilib, o'z o'rinlarini saqlab qolishmoqda.

Ha, ko'pchilik UFC`ga kelib yutqazgan. Bunga misol qilib uning o'zini olish mumkin. Keldi – yutqazdi. Ko'pchilik shunday mag'lub bo'lgan. Bu menga tegishlimi yoki yo'q – agar UFC`ga o'tsam, buni ko'rib olamiz", – dedi rossiyalik jangchi "Sport24" kanaliga bergan intervyusida.

SHuningdek, erkin agent maqomida bo'lgan Nurmagomedov hozirda menejeri PFL ligasi bilan muzokaralar olib borayotganini malum qildi. PFL ligasi u bilan yangi shartnoma imzolash uchun 90 kunlik eksklyuziv huquqqa ega.

Arman Carukyan ayni damda braziliyalik Maurisio Ruffi bilan bo'ladigan jangiga tayyorgarlik ko'rmoqda. Ular 19 sentyabr kuni Los-Anjelesda bo'lib o'tadigan UFC 331 turnirida o'zaro to'qnash keladi.