Nurmagomedov Dvalishviliga laqabini o'zgartirishni taklif qildi

"O'ylaymanki, bu hech qachon tugamaydi. Bu hech qachon o'lmaydi va biz hech qachon do'st bo'lmaymiz. U ko'p gapiradi, aqldan ozgan ishlarni qiladi. Hatto hozir ham u mening menejerim Rizvan haqida gapirib, uni ilon yoki boshqa narsalar bilan atamoqda. Rizvan menga hech qachon hech narsa demaydi. Ijtimoiy tarmoqlarimdan mendan boshqa hech kim foydalanmaydi. U boshqa yigitlarni, shunchaki u bilan gaplashgani borgan do'stlarimni bu ishga aralashtirmoqchi bo'ldi.

Hech kim uni ushlab turgani yo'q, hech kim unga tekkani yo'q. Hammasi videoda bor. Nega yolg'on gapiryapsan? Agar erkak kishi bilan muammoing bo'lsa, senga kamera ham, ijtimoiy tarmoqlar ham, boshqa hech kim ham kerak emas. Agar men unga hurmatsizlik qilgan bo'lsam, oldimga kel. Nega yig'layapsan? Nega men uni haqorat qilganimni aytyapsan? Muammoing bo'lsa — oldimga kel, hammasini yuzimga ayt", — dedi Umar.

"Endi senga "Machine" ("Mashina") laqabi kerak emas, uni "Hurmatsizlik"ka o'zgartir, Merab. Hech qanday "Machine" bo'lmaydi. CHunki u doim shu narsa uchun noliydi", — deya Nurmagomedovning so'zlarini keltiradi MMA Fighting portali.