OFK prezidenti O'zbekistonga kelmoqda

Uchrashuvda mamlakatimizda futbolni rivojlantirishga asoslangan dasturlar bo'yicha o'zaro hamkorlik masalalari muhokama qilinib, OFK tomonidan milliy associaciyalarni rivojlantirish dasturi asosida turli loyihalar bo'yicha kelishuvga erishilgani avval xabar qilingandi.

Jumladan, Osiyo Futbol Konfederaciyasi tomonidan yurtimizning Andijon, Surxondaryo va Xorazm viloyatlarida bolalar uchun mo'ljallangan mini-futbol maydonchalari barpo etilishiga hamda Respublika Oliy Sport Mahorati Futbol Maktabiga qarashli suniy qoplamali maydon to'laligicha rekonstrukciya qilishga jami 600 000 AQSH dollari miqdorida mablag' ajratiladigan bo'ldi.

Uchrashuv davomida erishilgan kelishuvga ko'ra Osiyo Futbol Konfederaciyasi prezidenti SHayx Salmon bin Ibrohim al-Xalifa joriy yilning 3-5 dekabr kunlari rasmiy tashrif bilan yurtimizga keladi.

Tashrif davomida OFK prezidenti bir qator rasmiy uchrashuvlar o'tkazishi ko'zda tutilgan bo'lib, bu uchrashuvlar davomida SHayx Salmon bin Ibrohim al-Xalifa yurtimizda futbolni rivojlantirish va yoshlar orasida yanada ommalashtirish maqsadida amalga oshirilayotgan ishlar bilan yaqindan tanishadi.

SHuningdek, SHayx Salmon bin Ibrohim al-Xalifa 4 dekabr kuni “Bunyodkor” – “Lokomotiv” o'rtasida bo'lib o'tdadigan O'zbekiston Kubogi final uchrashuvini bevosita stadiondan kuzatib borib, g'olib jamoaga O'zbekiston Kubogini topshiradi.

OFK prezidentining yurtimizga tashrifi O'zbekiston futbol federaciyasining Osiyo Futbol Konfederaciyasi bilan hamkorlikdagi loyihalarining yanada rivojlanishiga xizmat qiladi.