Olimpiada-2024. Triatlonning suzish bahslari bekor qilinishi mumkin

Bunga Parij shahri markazidan oqib o'tuvchi Sena daryosining loyqalanishi sabab sifatida ko'rsatilmoqda. Olimpiada-2024 tashkiliy qo'mitasi rahbari Toni Estangening aytishicha, meyoridan ortiq yomg'ir yog'ishi Senaning loyqalanishiga olib keladi. 

"Ayni paytda biz ishlashimiz kerak bo'lgan eng katta muammolardan biri aynan shu masala. Sena daryosida triatlon musobaqasining suzish bahslarini o'tkazish yoki boshqa joyga ko'chirish haqida bosh qotirayotganimizda, bizga investicion dastur taqdim etishdi. Taklif juda yaxshi ko'ringani uchun biz triatlonning suzish bahslarini Senada o'tkazishga qaror qilgandik. Olimpiadaning ilk kunlari Parijda yog'ingarchilik bo'lishi kutilmoqda. SHu masala bizni hamon ikkilantiryapti. Albatta, biz suzishni triatlonda saqlab qolishga harakat qilamiz", — deya Estangening so'zlarini keltirmoqda Britaniyaning The Guardian nashri.