Olimpiada licenziyalari uchun kechagi urinish o'xshamadi, umidimiz bugungi bahslardan

Unda hamyurtlarimiz 3 yo'nalishda licenziyalar uchun bahs olib borishdi. Afsuski, bellashuvlar jamoamiz uchun muvaffaqiyatsiz yakunlandi. Kanoechilarimiz Vladlen Denisov va Gerasim Kochnev juftligi 1000 metrga kechgan bahsda marra chizig'ini uchinchi bo'lib kesib o'tishdi. 

Xuddi shu masofada kurash olib borgan kanoechilarimiz juftligi SHohruhbek Azamov va Javohir Nurmatov, 500 metr masofaga kechgan bahsda Arina Tanatmisheva (kanoe) to'rtinchi bo'lib marraga keldilar. 

Eslatib o'tamiz, ushbu musobaqada faqat birinchi o'rin egalarigina Olimpiada yo'llanmalariga sazovor bo'lishadi. 

Tokio shahrida o'tishi kerak bo'lgan akademik eshkak eshish bo'yicha licenzion musobaqaning ilk kuni noqulay ob-havo sabab bir kunga surildi. Bugungi bellashuvlarda sportchilarimizga omad tilaymiz. 

Unda quyidagi vakillarimiz bahs olib borishadi:

Baydarka:
SHahriyor Mahkamov (K1, 1000 metr)
Ekaterina SHubina (K1, 200 metr)
Denis Onufriev (K1, 200 metr)

Kanoe:
Bekzod Umaraliev (S1, 1000 metr)
Gulbahor Fayzieva (S1, 200 metr)

Akademik eshkak eshish. Tokio (Yaponiya):
M1x 2000 metr: Mehroj Mamatqulov
W1x 2000 metr: Malika Tagmatova
LM2x 2000 metr: SHahboz Xolmirzaev va Sobir Saforoliev
LW2x 2000 metr: Luiza Ismoilova va Omadoy Otaqo'zieva