Olimpiada sovrindorlari Parij-2024 yo'llanmasi uchun Samarqandda kurash olib boradi. Triatlon bo'yicha Jahon kubogi oldidan matbuot anjumani tashkil etildi

Parij-2024 Olimpiasi uchun qimmatli reyting ochkolari o'ynaladigan ushbu musobaqada Rio-2016, Tokio-2020 Olimpiadasi sovrindorlari ham ishtirok etishini alohida takidlab o'tmoq zarur.

Ushbu nufuzli musobaqa oldidan matbuot anjumani tashkil etildi. Unda O'zbekiston Respublikasi Sport vaziri Adham Ikromov, Samarqand viloyati hokimi o'rinbosari Rustam Qobilov, O'zbekiston triatlon federaciyasi va Xalqaro triatlon federaciyasi rahbariyati vakillari, shuningdek, sportchilar ishtirok etdi. Olamsport.com sayti muxbirlari ham O'zbekiston turizm vazirligi tomonidan tashkil etilgan press-tur doirasida ushbu matbuot anjumanida ishtirok etdi.

Tadbirda dastlab, Adham Ilhomovich so'z oldi va O'zbekiston triatlon federaciyasi tashkil topganiga ko'p bo'lmagan bo'lsa-da, nufuzli musobaqalarni tashkil etish borasida katta tajribaga ega bo'lib borayotganini takidladi.

Vazir hafta yakunida bo'lib o'tadigan Jahon kubogi bosqichi ham yuqori saviyada o'tkazilishini aytib o'tdi.

SHuningdek, Adham Ikromov ushbu musobaqada ishtirok etuvchi sportchilar geografiyasi ham keng ekanini alohida takidladi. Turnirda faqatgina Janubiy Amerika mamlakatlari, jumladan, Argentina, Braziliya, CHili kabi davlatlardan sportchilar etib kelishida muammolar yuzaga kelgan.