Olmaliqda motokross bo'yicha O'zbekiston kubogi o'tkazildi

Kalmakir mototrassasida uyushtirlgan bahslarda respublikamizning eng mahoratlari poygachilari kurash olib borishdi.

O'zbekiston kubogida sportchilar jami 7 ta sinfda o'tgan bellashuvlarda g'oliblik uchun kurash olib bordilar. SHulardan to'rttasi turnirning dastlabki kuni o'tkazildi. Unda qatnashchilar dvigatel hajmi 65, 125, 350 va 750 santimetr kub bo'lgan motocikllarda startga chiqishdi. Poygani eng kichik yoshdagi sportchilar o'rtasidagi bellashuvlar boshlab berdi.

Jasurbek Samadov ikkinchi davra bahslarida ham muvafaqiyatli qatnashdi va eng yaxshi natijani qayd etgan holda g'alabani qo'lga kiritdi. O'smirlar o'rtasida motor sig'imi 85 kubatura bo'lgan texnikalar poygasida esa Toshkent viloyati vakili Abrorbek Jumanov zafar quchdi. Uning jamoadoshi Emron Ablyazov o'smirlar orasida dvigatel hajmi 125 santimetr kubdan iborat motocillarda o'tgan baxsda birinchi o'rinni egalladi.

Erkaklar o'rtasida CHzet 350 sinfida mezbon sportchi SHavkat Sulaymonovga teng keladigan poygachi topilmadi. U navoiylik Izzat Qobilov bilan bir hil ochko jamg'ardi, ammo aylanalar soni bo'yicha yaxshiroq ko'rsatkichga ega bo'ldi. Poytaxtlik Sergey Devletyorov esa kuchli uchlikka yakun yasab berdi.