Olti million evro mukofot jamg'armasiga ega Parij "Masters" turniriga qura tashlandi

Mavsumning so'nggi "Masters" turnirida dunyoning eng kuchli raketka ustalari bosh sovrin uchun bahs olib boradi. Qura natijasiga ko'ra dunyoning birinchi raketkasi, ispaniyalik Karlos Alkaraz ikkinchi davradan ishtirokini boshlaydi. U rossiyalik Aslan Karacev va yaponiyalik Yosixito Nisioka uchrashuvi g'olibiga qarshi kortga chiqadi.

Turnirda ikkinchi raqam ostida tasniflangan ispaniyalik Rafael Nadal ham ikkinchi davradan bahslarga qo'shiladi. Uning raqibi ispaniyalik Roberto Bautista-Agut yoki amerikalik Tommi Pol bo'ladi.

Parij "Masters"ning uchinchi tartib raqamli tennischisi, norvegiyalik Kasper Ruud ikkinchi davrada franciyalik Rishar Gaske (WC, imtiyozli yo'llanma) yoki slovakiyalik Aleks Molchan bilan to'qnash keladi. 

Serbiyalik Novak Jokovich argentinalik Diego SHvarcman va amerikalik Maksim Kressi uchrashuvi g'olibiga qarshi kortga chiqadi. Rossiyalik Daniil Medvedev avstraliyalik Aleks De Minaur va amerikalik Sebastyan Korda uchrashuvi g'olibi bilan yuzma-yuz keladi. Rossiyalik yana bir tennischi Andrey Rublyov ikkinchi davrada amerikalik Jon Isner yoki saralash bahsi g'oliblaridan biri bilan uchrashadi.