"Oltin to'p" egasining ismi ijtimoiy tarmoqlarda tarqaldi

Ijtimoiy tarmoqlarga ovoz berish natijalari aks etgan surat tarqaldi. Tvitterda tez tarqalayotgan ushbu rasmga ko'ra, "Oltin to'p"ni "Bavariya" hujumchisi Robert Levandovski qo'lga kiritadi.

22 oktyabr kuni yakunlangan ovoz berishda ikkinchi o'rinni Lionel Messi, uchinchi o'rinni esa Karim Benzema egallagani aytilmoqda.

Aytish joizki, o'tgan yili pandemiya sababli "Oltin to'p"ni topshirmaslikka qaror qilingan edi. SHu bilan birga, ko'plab mutaxassislar va muxlislar mukofot Robert Levandovskidan tom manoda tortib olingan deb hisoblashadi, chunki 2020 yilda u ajoyib o'yin ko'rsatdi va "Bavariya" qo'lga kiritishi mumkin bo'lgan barcha sovrinlarning sohibi bo'ldi.