"Oltin to'p". O'zbekiston vakili kimlarga ovoz bergan edi?

France Football tomonidan tashkil etilgan tadbirda Lionel Messi yil futbolchisi deb topildi va unga "Oltin to'p" topshirildi.

G'olibni aniqlashda O'zbekiston vakillari kimga ovoz berishgan edi?

Hujjatlarda ko'rsatilishicha, mamlakatimiz nomidan Sport Football Journal vakili Grigoriy Rtveladze ovoz bergan. U futbolchilarni quyidagi tartibda o'rinlarga qo'yib chiqqan:

1. Virjil van Deyk ("Liverpul")

2. Mateys de Ligt ("Yuventus")

3. Krishtianu Ronaldu ("Yuventus")

4. Lionel Messi ("Barselona")

5. Raxim Sterling ("Manchester Siti")

Eslatib o'tamiz, "Oltin to'p" uchun kurashda Lionel Messi Virjil van Deykdan bor-yo'g'i 7 ochko ko'p to'plab sovrinni qo'lga kiritgan ekan. Argentinalik forvard ovoz berishda 686 ball to'plagan bo'lsa, gollandiyalik himoyachi yiqqan ballar 679ta bo'lgan.