Onlayn shaxmat musobaqasida qoidani buzganlar chetlatildi va yangi g'olib aniqlandi

Tekshiruv natijalariga ko'ra, ikkinchi turnirda dastlabki uchta o'rinni egallagan havaskor shaxmatchilar musobaqa qoidalarini qo'pol ravishda buzgani uchun diskvalifikaciya qilindi, shuningdek yana uch nafar ishtirokchi ham musobaqadan chetlatildi.

Umid qilamizki, ushbu ayanchli voqea qolgan ishtirokchilar uchun saboq bo'ladi va boshqa bu kabi adolatsizlik, nopok o'yinlar takrorlanmaydi.

Jumladan, ikkinchi turnir g'olibi bo'lgan Alisher Rustamov musobaqa ishtirokchilari reytingi (2100dan yuqori bo'lmagan) bilan bog'liq Nizom talablarini buzganligi uchun musobaqadan butunlay chetlatildi.

SHaxmat bo'yicha birinchi onlayn O'zbekiston chempionatining ikkinchi turniri g'olibi deb 2006 yilda Toshkent shahrida tug'ilgan Maftuna Bobomurodova topildi.