“Osiyo bolalari” (“Deti Azii”) o'yinlarida 174 nafar sportchimiz ishtirok etadi

 Unda 15 ta davlatdan tashrif buyurgan ishtirokchilar sportning 19 ta turi bo'yicha g'oliblik uchun kurash olib boradilar.

Mazkur musobaqada 174 nafar (101 nafar o'g'il bola, 73 nafar qiz) hamyurtimiz sportning 17 ta turida o'z omadlarini sinab ko'rishadi. Ular orasida 12 nafar sambochimiz ham bor.

“Osiyo bolalari” o'yinlari Osiyo Olimpiya Kengashi tashabbusi bilan har 4 yilda bir marotaba o'tkaziladi. Quvonarlisi, bu yilgi o'yinlar dasturiga ilk bor o'zbek milliy sport turi – Kurash ham kiritildi.

O'zbekiston delegaciyasi “Osiyo bolalari”(“Deti Azii”) o'yinlarida ilk bora 2008 yilda ishtirok etgan. Rossiya Federaciyasining Yakutsk shahrida o'tkazilgan “Osiyo bolalari” IV o'yinlarida 14 nafar sportchimiz boks musobaqalarida qatnashib, yakunda vakillarimiz 5 ta oltin, 3 ta kumush va 2 ta bronza, jami 10 ta medal bilan umumjamoa hisobida 7-o'rinni qo'lga kiritishgan.