Osiyo engil atletika associaciyasi rahbari MOQda qabul qilindi

Ushbu nufuzli sport anjumanida jahonning 28 mamlakatidan kelgan sportchilar g'oliblik uchun bahs olib bordi. Qolaversa, Toshkent yarim marafoniga Osiyo engil atletika associaciyasi prezidenti Daxlan Al-Hamad ham tashrif buyurdi.

Sir emaski, yurtimiz engil atletikachilari Osiyoda o'z o'rniga ega. Xususan, so'nggi Rio olimpiadasida ham mamlakatimiz delegaciyasida aynan engil atletika yo'nalishida eng ko'p licenziya qo'lga kiritilgan edi.

O'zbekistonda sport qirolichasi deb atalmish engil atletikani yanada rivojlantirish hamda xalqaro tashkilot bilan mustahkam aloqalarni o'rnatish maqsadida O'zbekiston Milliy Olimpiya qo'mitasi prezidenti Umid Ahmadjonov Osiyo engil atletika associaciyasi (OEAA) prezidenti Daxlan Al-Hamadni qabul qildi.

Muzokara davomida Umid Ahmadjonov O'zbekistonda engil atletika sportini yanada rivojlantirish borasida izchil ishlar amalga oshirilayotganini alohida takidladi.

“Oxirgi paytlarda O'zbekiston engil atletika federaciyasi ham islohotlarga muhtoj bo'lib qolgandi. SHu maqsadda bundan bir necha oy muqaddam mamlakat engil atletika federaciyasi rahbarligiga Andrey Abduvalievni olib keldik. O'ylaymanki, uning boy tajribasi yurtimizda ushbu sport turini yangi bosqichga olib chiqadi. Maqsadimiz – Tokio-2020 olimpiadasida engil atletika bo'yicha maksimal darajada licenziya olish va musobaqada rekord o'rnatish”, – deydi Umid Ahmadjonov.

O'z navbatida OEAA prezidenti Daxlan Al-Hamad janoblari ham yurtimizda olib borilayotgan barcha sohadagi islohotlarga ijobiy fikr bildirib o'tdi.

“O'zbekistonni islom va sport mamlakati deb bilaman. Bugun Toshkentda o'tgan marafonni kuzatib, undagi iliqlik, ishtirokchilardagi sportga bo'lgan qiziqishni ko'rib quvondim. O'zbekistonlik engil atletikachilar Osiyoda o'z o'rni va mavqeyiga ega. Umid qilamanki, yurtingiz atletlari joriy yilgi jahon chempionati va Tokio olimpiadasida munosib ishtirok etishadi”.

SHuningdek, Umid Ahmadjonov martabali mehmonga O'zbekiston engil atletika bo'yicha qita miqyosidagi turli musobaqalar, seminarlar va Kongresslarni yuqori saviyada o'tkazishga tayyor ekanligini takidlab, joriy yil sentyabr oyida o'tadigan dunyo birinchiligidan so'ng Samarqand va Buxoroda xalqaro seminarga mezbonlik qilish taklifini ilgari surdi.