Osiyo futboli haqidagi bazi qiziqarli malumotlar

Savol: OCHL tarixida gol urgan eng yosh futbolchi kim?

Javob: Suphanat Mueanta. "Buriram Yunayted" futbolchisi "Beyjing FK" darvozasiga to'p kiritgan mahal 16 yosh, 8 oylik bo'lgan. Bu o'yinda "Buriram" 1:3 hisobida imkoniyatni boy bergan. 

Savol: Bu qaysi stadion?

Javob: Bu Xitoydagi "Workers’ Stadium" (Ishchilar stadioni) bo'lib, "Beyjing FK" uy uchrashuvlarini o'tkazadi. Stadion sig'imi 66 ming tomoshabinga mo'ljallangan. 

Savol: OCHLda ketma-ket ikki bor g'olib chiqqan klubni bilasizmi?

Javob: Bu Saudiya Arabistonining "Al Ittihod" klubi bo'lib, 2004 yil "Seongnam Ilva CHunma", 2005 yil "Al Ayn" ustidan zafar quchib bosh sovrinni qo'lga kiritgan. 

Savol: JCH-2018da Alirizo Beyranvand kimning penaltisini qaytargan?

Javob: Eron - Portugaliya bahsida Krishtianu Ronaldu amalga oshirgan 11 metrlik jarima zarbasini Beyranvand mohirona qaytargandi.

Savol: Deyan Damyanovichning Osiyodagi faoliyatini ketma-ketlikda sanab bering.

Javob: CHernogoriyalik hujumchi Damyanovich Osiyodagi faoliyatini 2006 yil Saudiya Arabistonining "Al Ittihod" klubida boshlagan. SHundan so'ng u "Inchon Yunayted" (Janubiy Koreya), "FK Seul" (Janubiy Koreya), "Jiangsu" (Xitoy), "Beyjing" (Xitoy), "Suvon Samsung" (Janubiy Koreya) klublarida o'ynagan. Hozir Janubiy Koreyaning boshqa bir jamoasi "Tegu" azosi hisoblanadi.

Savol: 2022 yil ayollar o'rtasidagi Osiyo chempionati qaerda o'tkaziladi?

Javob: Hindistonda. Nomzodlar orasida Xitoy Taypeyi bilan O'zbekiston ham bor edi, biroq OFK yakunda Hindiston variantini tanladi.