19 avg 15:16
Yangiliklar

Tennis, Osiyo o'yinlari

Osiyo o'yinlari-2018. To'laganova va Do'stovda mag'lubiyat

Xabar berganimizdek, bugun Osiyo o'yinlari-2018 dasturidan o'rin olgan tennis musobaqasi ham boshlandi.

O'ttiz olti yoshli Iroda To'laganova va Farrux Do'stovdan tarkib topgan aralash juftligimiz Xitoy Taypeyi tennischilari CHang/Xsiex tandemiga qarshi bahs olib bordi. Bir soatu 1 daqiqa davom etgan uchrashuvda tajribali tennischilarimiz 1:6, 4:6 hisobida imkoniyatni boy berishdi.

Eslatib o'tamiz, biroz avval Oqgul Omonmurodova va Sanjar Fayzievdan iborat tennischilarimiz juftligi SHri-Lanka terma jamoasi azolari Dissanayaki/Kirera hamkorligiga qarshi kortga chiqib, 6:4, 6:3 hisobida zafar quchishgan edi.