Osiyo Paralimpiya qo'mitasi prezidenti O'zbekistonga keldi

Martabali mehmonlarni Toshkent xalqaro aeroportida O'zbekiston Milliy paralimpiya qo'mitasi raisi Muxtorxon Tashxodjaev, O'zbekiston Respublikasi Turizm va sport vaziri o'rinbosari Avaz Karimov, O'zbekiston Milliy Olimpiya qo'mitasi bosh kotibi Oybek Qosimov hamda bir guruh ommaviy axborot vositalari xodimlari kutib oldi. 

Majid Rashed jurnalistlarga bergan dastlabki intervyusida quyidagi fikrlarni bildirib o'tdi:

Bu mening O'zbekistonga ilk tashrifim emas. Men 2013 yilda ham bu erda bo'lganman. Yangiliklar orqali so'nggi paytlarda yurtingizda amalga oshirilayotgan keng ko'lamli islohotlar va ulkan o'zgarishlar haqida muntazam tanishib boraman. Ayniqsa, O'zbekistonda Paralimpiya harakatiga davlat miqyosida etibor qaratilayotgani samarasi o'laroq, ushbu mamlakat sportchilari yildan-yilga yuqori natijalarga erishib kelmoqda. Umid qilamanki, o'zbekistonlik paralimpiyachilar Tokioda bo'ladigan Paralimpiya o'yinlarida ham yuqori natijalarga erishadi.