Osiyo Paralimpiya qo'mitasi rahbari "Ipak yo'li" turizm xalqaro universitetiga tashrif buyurdi

Tashrifning ikkinchi kunida janob Majid Abdulla Rashid o'z hamrohlari bilan ko'hna va hamisha navqiron Samarqand shahrida bo'lishdi. Samarqandga tashrifi doirasida yuqori martabali "Ipak yo'li" turizm xalqaro universiteti bilan tanishdi.

Tashrifdan ko'zlangan maqsad – turizm va sport sohasida belgilangan rejalarni amalga oshirishda universitet faoliyati bilan tanishish edi.

Tashrif davomida mehmonlar universitetda imkoniyati cheklangan insonlarga yaratilgan sharoitlar, talabalarning laboratoriyalarda amaliy mashg'ulotlar o'tkazishi, ularning sport va ijodiy ish bilan shug'ullanishi uchun jihozlangani, zamonaviy kutubxonada Osiyo tarixi, madaniyati va merosi haqida nodir nashrlar to'plangan katta adabiy zaxira mavjudligiga alohida etibor qaratishdi.

Uchrashuv yakunida janob Majid Abdulla Rashid universitet talabalari uchun yaratilgan imkoniyatlarni yuqori baholadi va ularga nafaqat sport sohasida, balki o'qishda ham muvaffaqiyat tiladi.