14 avg 09:19
Yangiliklar
Boks/MMA
Oskar De la Xoyya: “Alvares Golovkinni tavbasiga tayantiradi”
Golden Boy promouterlik kompaniyasi rahbari Oskar de la Xoyya sentyabr oyida Gennadiy Golovkin hamda Saul Alvares o'rtasida o'tkaziladigan ikkinchi jang yuzasidan fikr bildirdi.
De La Xoyya meksikalik bokschining promouteri hisoblanadi. Hozirda qozog'istonlik bokschi o'rta vazn toifasida WBC, WBA va IBO yo'nalishlari chempioni bo'lib turibdi. Saul “Kanelo” Alvares esa sobiq jahon chempioni. Bu ikki bokschining ilk jangi durang natija bilan yakungangan edi.
“Albatta, Gennadiyning Alvares haqida o'z fikri bor. Janggacha u Saul haqida turli nomaqbul fikrlarni aytmoqda. Lekin Alvares hali ringda Golovkinni tavbasiga tayantiradi.
O'z o'rnida garchi mijozim bo'lsa-da, Kaneloni ham oqlamayman. U ham ko'p gapirib yubordi. Ikkalasi ham birinchi raunddan o'z so'zlarini amalda isbotlashga urinishadi. Bu esa bizni oldinda qiziqarli jang kutib turganidan dalolatdir”, - dedi de la Xoyya.
Havola :
Fikrlar