Oskar de la Xoyya Errol Spens - Terens Krouford jangiga taxmin bildirdi

“Odamlar bu jangni to'rt yilga kechikdi, deyishmoqda. Menimcha unday emas, hozir eng yaxshi payti. Ikkala yigit ham engilmas, ikkalasi ham o'z cho'qqisida. Nihoyat, eng yaxshi jangchilar bir-biriga qarshi jang qiladi. 

Men Kroufordni afzal ko'raman, bu mening shaxsiy fikrim. Errol Spens ko'p yillar davomida biz bilan birga edi. Uning bir tomonlama uslubi hali ham unga ishlamoqda. Krouford uni ochib tashlay oladi. Terensning arsenali kattaroq, ko'p qirrali, unda ajoyib oyoq harakati bor. Balki men adashayotgandirman, lekin bu Spens uchun juda qiyin jang bo'ladi”, - dedi de la Xoyya FightHype nashriga bergan intervyusida.

Eslatib o'tamiz, Terens Krouford va Errol Spens o'rtasidagi jang 29 iyul kuni bo'lib o'tadi.