04 iyu 12:43
Yangiliklar

Engil atletika

O'smirlar Olimpiadasiga qo'lga kiritgan licenziyalarimiz soni 27ta bo'ldi!

Tailand poytaxti Bangkok shahrida engil atletika bo'yicha yoshlar o'rtasida Osiyo chempionati boshlanganligi haqida xabar berib o'tgandik.

Bugun musobaqa doirasida bosqon uloqtirish bo'yicha bellashuvlar bo'lib o'tdi. Quvonarlisi, ushbu yo'nalishda yurtimiz sharafini himoya qilgan Regina Adashboeva 63.86 metr natija qayd eta oldi va o'z yo'nalishida birinchi o'rinni qo'lga kiritdi.
Ushbu muvaffaqiyat sportchimizga Osiyo chempionatining oltin medalidan tashqari Buenos-Ayresdagi III o'smirlar Olimpiya o'yinlariga yo'llanma taqdim etdi.

Regina Adashboevaning licenziyasi O'zbekiston sport delegaciyasi uchun Argentina Olimpiadasidagi 27-yo'llanma bo'ldi.