Otabek Umarov Osiyo Olimpiya kengashining Markaziy Osiyo mintaqasi bo'yicha vice-prezidenti etib saylandi

Assambleya kun tartibiga muvofiq, tashkilotning rahbarlik lavozimlariga saylovlar bo'lib o'tdi. Tashkilotni vaqtinchalik boshqarib borayotgan Raja Randxir Singx OOK Prezidenti etib saylandi. SHuningdek, 5 ta mintaqaga vice-prezidentlar ovoz berish yo'li bilan aniqlab olindi.

Biz uchun ahamiyatli tarafi, Otabek Umarov O'zbekiston, Qozog'iston, Qirg'iziston, Tojikiston, Turkmaniston, Eron va Afg'onistondan iborat Markaziy Osiyo mintaqasi bo'yicha tashkilot vice-prezidenti etib saylandi. Bungacha Otabek Muhammadalievich muddati qisqa bo'lgan davr – Toshkent-2025 yoshlar Osiyo o'yinlarini o'tkazish bo'yicha vice-prezident edi. Bu vaqtinchalik lavozim musobaqa yakunigacha amal qilsa, Markaziy Osiyo mintaqasi bo'yicha vice-prezidentlik doimiy xarakterga ega va endi hamyurtimiz butun qitamizdagi 5 mintaqadan birida Olimpizm rivojiga masul bo'ladi.

Qayd etish joiz, Otabek Umarovning so'nggi yillarda sport boshqaruvida erishgan muvaffaqiyatlari alohida etirof etilib, bugun yanada masuliyatli lavozimga saylandi va endi u butun Markaziy Osiyo mintaqasidagi Olimpizm harakatining rivojiga masul bo'ladi.

Tadbirda so'z olgan Otabek Muhammadalievich qitamiz sporti jahonda yanada katta etirofga sazovor bo'layotgani, buning isboti o'laroq Parij-2024 yozgi Olimpiya o'yinlarida Osiyoning 4 davlati TOP-15 talikdan joy olgani, Prezidentimizning sportni qo'llab-quvvatlashlari bilan O'zbekiston o'z tarixida eng yaxshi natijani qo'lga kiritganini alohida takidlab o'tdi. SHuningdek, bildirilgan ishonchni oqlashga, mintaqada Olimpizmning pok va ezgu g'oyalarini yanada keng targ'ib qilishga vada berdi.