Otabek Umarov O'zbekiston triatlon federaciyasiga rahbar etib saylandi

Biroq, mamlakatimizda ushbu sport faoliyati deyarli to'xtab, O'zbekistonda triatlon taraqqiyoti rivojlanmay qolgandi. Bugunga kelib shaxsan muhtaram Prezidentimiz SHavkat Mirziyoev tomonidan barcha sport turlarini rivojlantirishga alohida etibor qaratilmoqda.

Bugun, 7 mart kuni Milliy olimpiya qo'mitasida O'zbekiston triatlon federaciyasining navbatdan tashqari hisobot-saylov Konferenciyasi bo'lib o'tdi. Unda MOQ prezidenti Umid Ahmadjonov, O'zbekiston triatlon federaciyasi rahbariyati va mutasaddilari, hakamlar, sportchilar hamda OAV xodimlari ishtirok etishdi.

Dastlab O'zbekiston triatlon federaciyasi tomonidan amalga oshirilgan ishlar yuzasidan mudofaaga ko'maklashuvchi «Vatanparvar» amaliy sport turlari markazi direktori SHavkat Ismatullaev hisobot berdi.

So'ng kun tartibidan o'rin olgan eng asosiy masala federaciya raisi va unga birinchi o'rinbosar saylash jarayoniga o'tildi. SHu munosabat bilan O'zbekiston triatlon federaciyasi raisi lavozimga Otabek Muhammadalievich Umarov nomzodi ilgari surildi. Konferenciya ishtirokchilari bir ovozdan ko'rsatilgan nomzodni qo'llab-quvvatlashlarini malum qildilar. SHu tariqa, O.Umarov O'zbekiston triatlon federaciyasi raisi lavozimiga saylandi. Qolaversa, O.Umarovning birinchi o'rinbosari lavozimiga sobiq sportchi, triatlon bo'yicha ko'plab xalqaro musobaqalar ishtirokchisi, hozirda tadbirkorlik faoliyatini olib borayotgan Farrux Nosirov nomzodi ilgari surilib, bu inson ham bir ovozdan yangi lavozimga saylandi. 

“Menga mana shunday imkoniyat berilganidan mamnunman. Yurtimizda triatlon sportini rivojlantirishga, uning ommaviyligini taminlashga bor kuch-g'ayratimni ishga solaman. Yurtimizda istedodli sportchilar ko'p. O'ylaymanki, ularni saralab olib, jahon arenalarida munosib ishtirok etishlari va sovrindorlar qatoridan joy olishlarida tajribam as qotadi. Biz kelajakda Tokio Olimpiadasiga yo'llanma olibgina qolmasdan, sovrindorlar qatoridan joy oladigan atletlar tarbiyalashga vada beramiz”, – deydi Farrux Nosirov.

Yig'ilish davomida MOQ rahbari Umid Ahmadjonov ham triatlon sportining faoliyatiga to'xtalib o'tdi.

“Tan olish kerak, oxirgi paytlar triatlon bo'yicha maqtangudek natijalar yo'q. SHu bois Olimpiya o'yinlari dasturiga kiritilgan ushbu sport turini yanada rivojlantirib, sportchilarning shug'ullanishlari uchun zamonaviy moddiy-texnik bazani yaratib beramiz. O'ylaymanki, ushbu sport turi bo'yicha kelajakda jahon arenalarida munosib ishtirok etadigan atletlar etishib chiqadi”, – dedi Umid Ahmadjonov.

SHuningdek, konferenciya davomida MOQ Bosh kotibi Jasur Matchanov, triatlon bo'yicha Osiyo kubogi kumush medali sohibi SHohruh Yunusov so'zga chiqib o'z fikr-mulohazalarini bildirib o'tishdi.

SHu tariqa, O'zbekiston triatlon federaciyasining navbatdan tashqari hisobot-saylov konferenciyasi o'z ishini yakunladi.