O'zbek tennisi yulduzi Iroda To'laganova jizzaxlik yoshlarga master-klass namoyish etdi + FOTO

Dastlab mashhur tennischi, hozirda O'zbekiston tennis federaciyasining bosh kotibi lavozimida ishlab kelayotgan I.To'laganova Jizzax olimpiya zaxiralari kolleji hamda Jizzax viloyati sport o'yinlari va engil atletikaga ixtisoslashtirilgan bolalar-o'smirlar sport maktabida bo'ldi.

Faxriy mehmon har ikki dargohda tennis sporti bo'yicha mavjud kamchiliklar va yutuqlarni o'rganib chiqdi. SHuningdek, Iroda To'laganova Jizzax viloyatida tennis sportini yanada rivojlantirish borasida o'z fikrlarni o'rtaga tashladi. Qolaversa, Jizzaxda yangi tennis korti barpo etish asosiy maqsad etib belgilandi.

Safar davomida I.To'laganovaga jizzaxlik sport mutasaddilari ham hamroh qilishdi. Ular Jizzax shahridagi 29-sonli «Mehribonlik uyi»da ham bo'lib, ushbu maskan tarbiyalanuvchilari uchun «mahorat saboqlari»ni o'tkazdi.

Uchrashuv so'ngida Iroda To'laganova bolajonlar uchun sport anjomlaridan iborat sovg'alar jamlanmasini topshirdi.