O'zbekiston chim ustida xokkey federaciyasi Evropa federaciyalaridan biri bilan memorandum imzoladi

Xususan, chim ustida xokkey federaciyasi mutasaddilari ham ushbu sportni yurtimizda rivojlantirish va terma jamoamizni yanada kuchaytirish borasida izchil ishlab olib bormoqda.

Ayni paytda Belarus Respublikasida bo'lib turgan O'zbekiston chim ustida xokkey federaciyasi rahbari Bahodir Ahmedov ushbu mamlakat federaciyasining raisi Aleksandr Ekimenko bilan uchrashdi. Uchrashuvda ikki tomonlama hamkorlikni yo'lga qo'yish, birgalikda o'quv-mashg'ulot yig'inlarini o'tkazish kabi masalalar xususida muzokara olib borildi.

Muzokara yakuniga etgach, har ikki tomon o'rtasida memorandum imzolandi. Unga ko'ra, ikki tomon kelajakda o'zaro chuqur hamkorlikni yo'lga qo'yish, jumladan, terma jamoamiz murabbiylarini Belarusdagi oliy-o'quv yurtlarida malaka oshirishga jo'natish kabi bandlar keltirib o'tilgan.