O'zbekiston chim ustida xokkey federaciyasi faoliyati to'g'risida malumot

O'tgan vaqt mobaynida ayollar va erkaklar jamoalari nufuzli Xalqaro musobaqalarda yaxshi natijalarni ko'rsatib kelmoqdalar.
Xalqaro va Osiyo federaciyasiga 1991 yildan azo bo'lib kirgan.

Hozirda ushbu sport turi bilan Respublikamizning 6 ta hududida - Andijon, Farg'ona, Namangan, Samarqand, Buxoro va Xorazm viloyatlarida shug'ullanib kelmoqdalar. Umumiy shug'ullanuvchilar soni 1700 nafardan ziyod. Respublikamizda chim ustida xokkey bo'yicha 70 ziyod murabbiylar faoliyat ko'rsatib keladilar. Ulardan 3 nafari O'zbekistonda xizmat ko'rsatgan murabbiylar: Patidinov Oybek, Mamatkazin Rinat, Kozimov  Baxtiyor.

O'zbekiston Respublikasi Prezidentining 2017 yil 9 martdagi “O'zbekiston sportchilarini 2020 yil Tokio shahri (Yaponiya)da bo'lib o'tadigan XXXII yozgi Olimpiya va XVI Paralimpiya o'yinlariga tayyorgarlik ko'rish to'g'risidagi” PQ-2821-son qaroriga asosan federaciyaga “Xalq banki” va “O'zbekengilsanoat” AJ federaciyaga homiy tashkilot sifatida biriktirildi. Hozirgi kunda “Xalq banki” tomonidan belgilangan homiylik mablag'larini o'z vaqtida tushurib berildi. Tushgan mablag'lar doirasida federaciyaning kalendar rejasi, xarid qilish rejalashtirilgan sport inventarlari va anjomlari ro'yxati va federaciyaning mamuriy va ustav bo'yicha xarajatlar belgilandi.

O'zbekiston Milliy Olimpiya qo'mitasiga taqdim etilgan xarajatlar smetasiga asosan mablag'lar tadbirlarni tashkil etish hamda sport tadbirlarida ishtirok etish xarajatlariga, sport inventarlari va anjomlari, ilmiy metodik hamda tibbiy biologik taminoti bo'yicha xarajatlarga, federaciya mamuriy va ustav xarajatlariga  ajratish belgilangan.

SHuningdek, O'zbekiston Respublikasi Vazirlar Mahkamasining farmoyishiga asosan Toshkent shahar, Yashnobod tumani 204-umumiy o'rta talim maktabiga qarashli bo'lgan futbol maydoni federaciyaga o'tkazildi. Bugungi kunda mazkur maydon o'rniga chim ustida xokkey maydoni va qo'shimcha binolar barpo etish maqsadida smeta loyiha ishlari boshlab yuborildi.

2018 yil Argentinada bo'lib o'tadigan o'smirlar Olimpiya o'yinlari dasturidan chim ustida xokkey o'rin olgan. 2018 yilning aprel oyida Taylanda qizlar o'rtasida, Omon davlatida o'smirlar o'rtasida ushbu O'OIga licenzion musobaqalar bo'lib o'tadi. Hozirda 2 tarkibda terma jamoalar shakllantirilib yanvar oyidan boshlab Toshkentda, Qozog'istonda va Belorusiyada o'quv mashg'ulot yig'inlari o'tkazish rejalashtirilgan.