O'zbekiston engil atletika federaciyasiga yangi rahbar saylandi

Unda Milliy olimpiya qo'mitasi Bosh kotibi Jasur Matchanov, MOQ Prezidenti maslahatchisi Komiljon Xudoyberganov, engil atletika federaciyasi bosh kotibi Kamoliddin Nurmuhammedov hamda federaciya mutasaddilari ishtirok etdilar.

Yig'ilish avvalida Komiljon Xudoyberganov delegatlarni kun tartibi bilan tanishtirdi. Unga ko'ra, konferenciyaning eng asosiy masalasi O'zbekiston engil atletika federaciyasiga yangi prezident va bosh kotibni saylab olishdan iborat edi.

O'zbekistonda engil atletika sportining rivojiga qo'shgan hissasi, qolaversa sohadagi tajribasi va ko'p yillik mehnati inobatga olinib, Andrey Hakimovich Abduvaliev nomzodi federaciya prezidentiliga ilgari surildi. Delegatlar bir ovozdan A.Abduvaliev nomzodini qo'llab-quvvatladilar. SHu tariqa, Andrey Abduvaliev O'zbekiston engil atletika federaciyasining yangi rahbari etib saylandi.

Malumot uchun, Andrey Abduvaliev 1966 yilda tug'ilgan. MDH birlashgan terma jamoasi safida 1992-yilgi Olimpiya o'yinlarida chempionlikni qo'lga kiritgan. 2000-2012 yillar davomida O'zbekiston engil atletika federaciyasining bosh kotibi lavozimida faoliyat olib borgan.

Mamlakat engil atletika federaciyasi bosh kotibi sifatida faoliyat yuritib kelgan Kamoliddin Nurmuhammedov esa lavozimiga qayta saylandi. 

Yangi rahbariyat oldiga mamlakatimizda sportning ushbu turini rivojlantirish, oldinda turgan nufuzli musobqalarda muvaffaqiyatli natijalar qayd etish vazifasi qo'yildi.

MOQ Bosh kotibi Jasur Matchanov yangi rahbariyat oldiga qo'yilayotgan vazifani tushuntirar ekan, engil atletikani yurtimizda rivojlantirish uchun imkoniyatlar katta ekanligi, buning uchun ishni to'g'ri yo'lga qo'yib, qattiq mehnat qilish lozimligini qayd etdi.