O'zbekiston ishtirok etadigan JCH uchun chiptalar sotuvga chiqarildi

Erevan shahridagi musobaqada O'zbekiston milliy terma jamoasi ham qatnashadi.

O'yinlar Admiral Isakov shoh ko'chasida joylashgan muz saroyida o'tkaziladi. Saroy 2015 yil dekabrida ochilgan bo'lib, bu erda figurali uchish va xokkey maktabi talabalari shug'ullanishadi. Asosiy arena tribunalari 538  tomoshabinni o'z bag'riga sig'dira oladi, xolos. 

Tashkilotchilar chiptalarga talab yuqori bo'lishini inobatga olib, ularga quyidagicha narh belgilashdi:

Eng arzoni: 2000 dram (5,1 dollar)

O'rtacha baholangani: 15000-20000 dram (38-51 dollar)

Eng qimmati: 100000 dram (255 dollar).

Turnirga qiziqishni kuchaytirish maqsadida tashkilotchilar ijtimoiy tarmoqlarda tanlovlar o'tkazish yo'li bilan omadli muxlislarga chiptalar sovg'a qilishniyam unutishmagani diqqatga sazovor.

12 aprelga qadar turnir o'yinlariga chiptalarni elektron ilova orqali AHLWC promo-kodidan foydalanib 20 foiz chegirma bilan xarid qilish mumkin.

Mirzahakim To'xtamirzaev