O'zbekiston Jismoniy tarbiya va sport vazirligida yig'ilish bo'lib o'tdi. Uni Aziz Abduhakimov olib bordi

Majlisda bir qator muhim masalalar muhokama qilindi. Ular orasida o'zbekistonlik sportchilarning Tokio Olimpiadasiga olib borayotgan tayyorgarligi, oldinda turgan licenzion turnirlar, to'rt yillikning eng nufuzli musobaqasiga yo'llanmani qo'lga kiritib ulgurgan atletlarimizning bo'lajak bellashuvlarga munosib hozirlik ko'rishi uchun shart-sharoitlarni yaratib berish kabi masalalarni alohida takidlash o'rinli. 

Bu borada har bir viloyat hokim o'rinbosarlariga aniq vazifalar yuklandi. Hokim o'rinbosarlari o'z viloyati sportchilarining Olimpiadaga munosib tayyorgarlik ko'rishi, ortiqcha muammolardan holi bo'lishi va shunga o'xshash masalalarni shaxsan nazorat qilib borishi uqtirildi.

Bundan tashqari, hozirning o'zida Parij-2024 Olimpiadasiga tayyorgarlikni boshlash, selekciya ishlarini jadallashtirish, har bir sport turi bo'yicha tarkibda sog'lom raqobatni yuzaga keltirish, munosib nomzodlarni tayyorlab borish, viloyat sport boshqarmalari hamda federaciyalarning yangi tizimini yaratish, ish unumdorligini oshirish, iqtidorli sportchilarni saralab olish va rag'batlantirish  masalalari ham muhokama qilindi.   

Yig'ilishda shuningdek, mamlakatimizda shaxmat sport turini yanada ommalashtirish masalasiga ham to'xtalindi. Kuni kecha “SHaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora-tadbirlari to'g'risida” Prezident qarori qabul qilingandi. Joylarda ushbu qarorning ijrosini taminlashga jiddiy etibor qaratish lozimligi aytildi.