O'zbekiston kriket federaciyasi rasman Xalqaro kriket kengashi (ICC) azosiga aylandi

Mazkur kongressda kriket bo'yicha bajarilayotgan ishlar sarhisob qilindi. Kongress reglamentiga muvofiq, kriket rivojlanayotgan mamlakatlarning ICCga azolik masalalari ham muhokama qilindi. Quvonarlisi, ushbu kongressda O'zbekiston kriket federaciyasi tomonidan amalga oshirilayotgan ishlar muhokamaga qo'yildi va bir ovozdan xalqaro kriket kengashining azoligiga qabul qilindi. 

SHu tariqa, O'zbekiston kriket federaciyasi Xalqaro kriket kengashi (ICC) azolik ro'yxatiga 106-davlat sifatida qabul qilindi. Xalqaro kriket kengashi (ICC) kongressida ishtirok etgan O'zbekiston kriket federaciyasi raisi Aziz Mixliev shunday deydi.

- Avvalambor, mustaqil va yangi O'zbekiston farzandi sifatida aytishim mumkinki, davlatimiz rahbari, hurmatli SHavkat Mirziyoev tashabbusi va say-harakatlari bilan bugun har sohada, jumladan, jismoniy tarbiya va sportga yaratilayotgan imkoniyatlar beqiyos. SHu bois, sportchilarimiz yurtimiz bayrog'ini dunyo arenalarida ko'z-ko'z qilishmoqda. O'zbekiston kriket federaciyasi ham Xalqaro kriket kengashining azosiga aylandi va ushbu munosabat bilan barcha yurtdoshlarimizni, sportchilarimizni muborakbod etaman. Umid qilamanki, O'zbekiston kriketchilari ham yaratilayotgan keng imkoniyatlardan foydalanib, kriket bo'yicha xalqaro musobaqalarda vatanimiz sharafini munosib himoya qilishadi. 

Eslatib o'tamiz, Xalqaro  kriket kengashi (ICC)ning Osiyo mamlakatlarida kriketni rivojlantirish bo'limi boshlig'i, oliy toifali xalqaro ekspert, janob Iqbol Sikander va ICCning  moliyalashtirish ishlari menejeri Nitesha Kotariylar 11-13 iyul kunlari Toshkentda bo'lishib, O'KF faoliyati bilan yaqindan tanishib, xulosalarini xalqaro kriket kengashi (ICC) rahbariyatiga taqdim etishgandi. 

Ilhom RAHMONOV tayyorladi