O'zbekiston Milliy Paralimpiya associaciyasiga yangi rahbar saylandi

Unda Jismoniy tarbiya va sport vazirining birinchi o'rinbosari Oybek Kasimov, MOQ vice-prezidentlari Aziz Kamilov hamda Saken Polatov, shuningdek, sport jamoatchiligi ishtirok etdi. Konferenciyada kun tartibiga qo'yilgan asosiy masala associaciyaning amaldagi raisi Ulug'bek Mirhaydarovning o'z xohishiga ko'ra lavozimidan ozod etilishi bo'yicha yozgan arizasini ko'rib chiqish va uning o'rniga yangi rahbar saylash bo'ldi. 

Yig'ilish davomida dastlab U.Mirhaydarov arizasi ko'rib chiqildi. Konferenciya ishtirokchilari bir ovozdan uning istefosini qabul qilishdi.

SHundan so'ng MOQ vice-prezidenti Aziz Kamilov so'zga chiqib, associaciya rahbarligi uchun shu paytgacha O'zbekiston Milliy Paralimpiya associaciyasi raisi o'rinbosari lavozimida ishlab kelgan Muxtorxon Maxsudovich Tashxodjaev nomzodini ilgari surdi va yig'ilganlarga nomzod haqida qisqacha malumot berib o'tdi. Ovoz berish jarayonida barcha bir ovozdan yangi nomzodni maqulladi va Muxtorxon Tashxodjaev O'zbekiston Milliy Paralimpiya associaciyasiga yangi rahbar etib saylandi.

“Avvalo, menga bildirilgan ishonch uchun hammaga rahmat. Oldimizda Tokio-2020 Paralimpiya o'yinlaridek masuliyatli musobaqa turibdi. Rioda qayd etilgan natija tasodif emasligini isbotlash uchun barchamiz birgalikda harakat qilamiz. Jamoaning hamjihatligisiz hech narsaga erishib bo'lmaydi. Umid qilamanki, barchamiz bir jamoa bo'lib, oldimizga qo'yilgan vazifalarni ado etamiz”, – dedi Muxtorxon Tashxodjaev.

SHuningdek, yig'ilish davomida Oybek Kasimov va Aziz Kamilov so'zga chiqib, yangi rahbarning faoliyatida omad va zafarlar tilab o'tishdi. SHuning bilan O'zbekiston Milliy Paralimpiya associaciyasining navbatdan tashqari hisobot-saylov konferenciyasi o'z ishini yakunladi.

Tadbir yakuniga etgach, barcha Milliy Paralimpiya associaciyasida jam bo'ldi. U erda MOQ prezidenti Rustam SHoabdurahmonov Paralimpiya associaciyasi mutasaddilari, sportchi va trenerlar bilan suhbatlashdi. MOQ prezidenti uchrashuv davomida tashkilot azolariga yangi rahbarni yana bir bor tanishtirib, M.Tashxodjaevning faoliyatida omad tiladi.