O'zbekiston shaxmat federaciyasida yil laureatlari taqdirlandi

Unda o'zbek shaxmat maktabining bugungi holati, mamlakatimiz shaxmatchilarining Xalqaro turnirlar va jahon chempionatlarida erishayotgan yutuqlari omili, umumiy o'rta talim maktablarida shaxmatning fan sifatida o'qitilishi kabi ko'plab masalalarga to'xtalib o'tildi. 

SHundan so'ng 2018 yil yakunlariga ko'ra turli nominaciyalar bo'yicha g'oliblarga diplom hamda esdalik sovg'alari topshirildi. Jumladan, Nodirbek Yoqubboev – 2018 yilning eng yaxshi shaxmatchisi, deb etirof etilgan bo'lsa, Gulruhbegim Tohirjonova xotin-qiz shaxmatchilar orasida shunday nomga sazovor bo'ldi. 

Yaqinda amaldagi jahon chempioni Magnus Karlsenni mag'lubiyatga uchratib, o'ziga xos shov-shuv ko'targan xalqaro master SHamsiddin Vohidov esa 2018 yilning 16 yoshgacha bo'lgan eng yaxshi shaxmatchisi, yana bir istedodli sportchimiz Umida Omonova – 2018 yilning 20 yoshgacha bo'lgan eng yaxshi ayol shaxmatchisi, deb topildi. “Yilning eng yaxshi murabbiyi” nominaciyasiga taniqli mutaxassis Vladimir Egin munosib ko'rildi. 

SHuningdek, tadbirda “Eng yaxshi shaxmat klubi”, “Eng yaxshi shaxmat federaciyasi bo'limi”, “Eng yaxshi arbitr”, “Ijtimoiy tarmoqlarda shaxmatni eng yaxshi yoritgan jurnalist”, “Ommaviy axborot vositalarida shaxmatni eng yaxshi yoritgan jurnalist” kabi nominaciyalar bo'yicha ham g'oliblar munosib taqdirlandi.